KLEUTERLAND

Ashton Kleuterland is in 2014 deur Mev Ammi Bester in samewerking met Laerskool Ashton begin. Sy het begin met 4 kinders en daardie jaar met 12 geëindig. Huidig is daar altesaam 30 kinders tussen die ouderdom van 2 jaar en 4 jaar. Mev Lisa Everson en Me Godlin Nelson is ook daar werksaam.

 

Aangesien Ashton Kleuterland kinders se eerste kennisname met “skool” is, is Kleuterland se hoofdoel om deur speel te leer in `n omgewing wat liefdevol en veilig is. Die hooffokus hier is om die kinders te leer om weg van hul huis te kan funksioneer en aan te pas by `n nuwe roetine en maatjies.

 

Baie aandag word aan sensoriese speel gegee. Baie moeite word gedoen om die totale kind te ontwikkel: fisies, emosioneel, geestelik en verstandelik.

LSA_extra-_3

Ashton Kleuterland se skooltye verskil van die res van die skool:

Somer: 7:30 – 12:00

Winter: 7:40 – 13:00